Ambasadori i ShBA-së në Prishtinë, Jeffrez Hovenier, ka zhvilluar gjatë ditës së sotme një takim me përfaqësues të disa prej mediave në vend.

Pas takimit, Hovenier ka thënë se ishte kënaqësi takimi me ta, dhe se pa media të lira e të pavarura, nuk ka demokraci.

“Gjithmonë kënaqësi për të pritur përfaqësues të mediave në Ambasadën e ShBA-së. Sot ndava pikëpamjet e mia për çështjet e fundit që kanë të bëjnë me partneritetin dhe punën tonë në Kosovë. Gjithashtu kisha kënaqësinë që dëgjova më shumë prej tyre për sfidat me të cilat ballafaqohen gazetarët dhe mediat kosovare. Mediat e lira dhe të pavarura janë thelbësore për demokracinë”, shkroi Hovenier në një postim në Twitter.