Ministri i Punëve të Brendshme të Kosovës, Skënder Hyseni, ka pritur në takim ambasadorin e Italisë në Kosovë, Andreas Ferrarese, me të cilin kanë biseduar për gjendjen e përgjithshme në Kosovë por kryesisht për fushën e sundimit të rendit dhe ligjit.

Bashkëpunimi në mes të së Kosovës dhe Italisë është vlerësuar lartë dhe i frytshëm në fusha të ndryshme e sidomos u nënvizua suksesi i aksionit të përbashkët kundër ekstremizmit, thuhet në një komunikatë për media.

Ambasadori Ferrarese, e vlerësoi lartë punën e Ministrisë Punëve të Brendshme dhe Policisë së Kosovës. Ai siguroi ministrin Hyseni për mbështetje të vazhdueshme të Qeverisë së Italisë, në fushën e sigurisë si dhe avancimin e bashkëpunimit të të dyja vendeve./Insajderi.com