10 muaj më parë, këngëtari britanik Ed Sheeran u bë baba për herë të parë. Bashkëshortja e tij Cherry Seaborn solli në jetë një vajzë së cilës i vendosën emrin “Lyra Antartica”.
Ky emër i surprizoi të gjithë pasi ishte dhe i veçantë dhe së fundmi artisti ka treguar se çfarë fshihert pas këtij emri. Ai foli për eksperiencën e tij si baba me Courteney Cox dhe tha se zgjodhi Antartica si emër të mesit për vajzën, sepse në fund të vitit 2019-të ai udhëtoi në Antartica (Antarktikë) dhe se ky ka qenë vendi kryesor në listën e dëshirave për të vizituar.
Ndërsa për emrin Lyra këngëtari tha se dëshironte t’i vendoste të bijës një emër unik, që të mos e kishte askush tjetër:
“Kam kuptuar që për disa njerëz ky emër është i çuditshëm. Por gruaja ime quhet Cherry dhe mendoj se ajo është Cherry i vetëm që kam njohur në jetën time dhe doja që t’i vendosja asaj një emër unik dhe ne shkuam në Antarktikë kur mbaru turneu im, sepse ishte gjithmonë në listën tonë. Shkuam atje në fund të 2019-s dhe ishte vendi më i mrekullueshëm në tokë. Ideja ishte se ne po prisnim që të kishim fëmijë, por thamë që duhet të shkojmë një herë në Antarktikë para se të bëhemi me fëmijë, sepse nuk mund t’i marrim të vegjlit atje, kështu që do e marrim me vete vajzën kur të rritet.”
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
