Ipeshkvi i Kosovës, Dodë Gjergji, në meshën kushtuar viktimave të sulmeve terroriste në Stamboll e Bangladesh ka thënë se ngjarjet që nodhën në qendrat e mëdha si Paris, Bruksel, Stamboll e Bangladesh shpejt mund të vijnë edhe në vendet tona, pasi sipas tij fryma e urrejtjes “ka depërtuar edhe tek disa njerëz tanë”

“Prandaj të gjitha institucionet tona fetare, kulturore, politike dhe shtetërore mos të bëjnë “sehir” duke menduar që jemi imunë nga kjo e keqe”, tha ai në meshën e të dieles.

Ipeshkvi Gjergji në fjalimin e mbajtur tha se ndjenja e dashurisë dhe e dhembjes shkon tek të gjithë popujt të prekur nga kjo e keqe e terrorit dhe nga dhuna e pakuptimtë.

“Krishti i shpërbleftë shpirtrat e të vdekurve me jetën e pasosur, i ngushëlloftë zemrat e hidhëruara, të trishtuara të të afërmve të këtyre njerëzve, kurse, të plagosurve iu urojmë shërim sa më të shpejtë”, ka deklaruar Gjergji. /Insajderi