Mijëra besimtarë nga e gjithë Kosova u mblodhën sot në Xhaminë e Madhe në Prishtinë për të falur namazin e xhumasë, nën udhëheqjen e imamit të Qabesë, Dr. Bandar Belilah.

Imami i njohur nga Arabia Saudite, i cili po qëndron për vizitë zyrtare në Kosovë, udhëhoqi faljen e namazit dhe mbajti hytben e xhumasë, duke sjellë një atmosferë të veçantë shpirtërore për besimtarët e pranishëm.

Në hytben e tij, Dr. Belilah theksoi rëndësinë e ruajtjes së vlerave islame, forcimit të besimit dhe unitetit në mesin e myslimanëve. Ai përçoi mesazhe paqeje, mirësie dhe drejtësie, ndërsa falënderoi popullin e Kosovës për mikpritjen dhe përkushtimin ndaj fesë islame.

Vizita e tij është konsideruar një ngjarje e rrallë dhe me rëndësi të veçantë për komunitetin mysliman në vend.