Pas një operacioni të policisë të realizuar mbrëmë në 31 “Mobile-Shop”, Inspektorati i Tregut i ka shkuar sërish sot tek dera mobileshop-it “Fita”, në kryeqytet.

Gazeta Insajderi sjell pamjet nga vendi i ngjarjes:

Në media u raportua mbrëmë se mobil shopit, “Fita” i është ndërprerë veprimtaria përkohësisht nga Inspektorati i Ministrisë së Tregtisë, me dyshime për veprimtari ilegale pa licencë.

Gazeta Insajderi ka provuar të kontaktojë me biznesin në fjalë, por telefoni i tyre ka qenë i ndalur.

Sot, Policia e Kosovës ka dhënë detaje lidhur me aksionin e djeshëm në 31 “Mobile shop”-e në Prishtinë.

Sipas policisë gjatë këtij aksioni janë gjetur dhe sekuestruar 118 smart phone, 3 tabletë, 11 airpods për shkak të dyshimit për shmangie nga tatimi dhe kontrabandë me mallra.

Një lokal është mbyllur nga inspektorati për shkak se nuk ishte i regjistruar si biznes dhe një lokal është bllombuar për shkak se kishte qenë i mbyllur.

“Prishtinë 07.11.2023. Bazuar në urdhëresën e prokurorisë, janë kryer kontrolle në 31 lokacione (lokale Mobil-Shop), ku janë sekuestruar 118 smart phone, 3 tabletë, 11 airpods për shkak të dyshimit për shmangie nga tatimi dhe kontrabandë me mallra. Një lokal është mbyllur nga inspektorati për shkak se nuk ishte i regjistruar si biznes dhe një lokal është bllombuar për shkak se kishte qenë i mbyllur. Nuk raportohet për të arrestuar. Rasti në hetime”, thuhet në njoftim e Policisë

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur