Instituti Kombëtar i Shëndetësisë Publike përmes një komunikatë i ka dhënë disa propozime për institucionit lidhur me ndotjen e ajrit në Prishtinë.

Sipas këtij instituti efektet e ajrit në ndotur çojnë drejtë rritjes së numrit të sëmurëve në rrugët e frymëmarrjes, sëmundje kronike të mushkërive, sëmundjet kardiovaskulare, kancer etj.

Instituti Kombëtar, ka propozuar që urgjentisht të përpilohet një plan aksioni për përmirësimin e cilësisë së ajrit sidomos në kryeqytet dhe të aprovohet me procedura urgjente nga Parlamenti i Kosovës.

Ndërkaq si masa specifike ka propozuar që urgjentisht të hiqen nga përdorimi veturat e vjetra dhe veturat pa katalizator.

“ Inspektoratet e mjedisit të bëjnë kontrollin rigoroz të kualitetit të karburanteve dhe konsumimit të lëndëve të ngurta djegëse që përdoren për ngrohje nga qytetarët. Shtimi i numrit të autobusëve me karburante ekologjike në transport publik. Shtimi i sipërfaqeve gjelbëruese në zona urbane. Matja e kontaminimit në pikat kyçe në Kosovë dhe paraqitje ditore e rezultateve online”, thuhet në komunikaten e IKShP. /Insajderi.com