Me ftesë të drejtorit ekzekutiv të INTERPOL-it, ministri i Punëve të Brendshme i Republikës së Kosovës, Skender Hyseni, ka udhëtuar në Indonezi, në krye të një delegacioni, për të marrë pjesë në Asamblenë e Përgjithshme të 85 të INTERPOL-it, e cila do t’i zhvillojë punimet nga sot deri më 10 nëntor.

Në këtë asamble mes tjerash pritet të diskutohet edhe për kriteret e anëtarësimit të vendeve aplikuese në këtë organizatë.

“Republika e Kosovës ka aplikuar për anëtarësim dhe varësisht nga rrjedha e diskutimeve për kriteret e anëtarësimit do të procedohet edhe me shqyrtimin e aplikacionit të Republikës së Kosovës për anëtarësim”, thuhet në njoftimin për media të kësaj Ministrie.

Pjesë e këtij delegacioni është edhe drejtori i Përgjithshëm i Policisë së Kosovës, Shpend Maxhuni./Insajderi.com