Inspektorati Policor i Kosovës ka bërë të ditur se operacioni që po zhvillohet në Mitrovicë kundër disa zyrtarëve policorë, dyshohen për disa vepra penale.

“IPK në bashkëpunim me Prokurorinë e Shtetit, pas një hetimi disa mujor është duke zhvilluar sot një operacion të gjerë lidhur me këtë hetim”, thuhet në njoftim.

“Në kuadër të këtij hetimi në Inspektoratin Policor janë ftuar për intervistim disa zyrtarë policorë të dyshuar për disa vepra penale”, vazhdon komunikata.

Inspektorati Policor i Kosovës dhe Prokuroria e Shtetit do të organizojnë sot pasdite  një konferencë të jashtëzakonshme ku do të shpalosen detajet e këtij hetimi./Insajderi.com