×
  • Lajme
  • Lajme

    Isa Mustafa tallet me Vjosa Osmanin

    Insajderi
    27 February 2016 - 09:26
    Klikoni Këtu për t'u bërë pjesë e kanalit të Insajderit në Youtube.

    Kryeministri Isa Mustafa ka sulmuar deputetët e partisë së tij që nuk e votuan Hashim Thaçin për president. Konkretisht Vjosa Osmanin, ndonëse nuk ia ka përmendur emrin.

    Deputetja Osmani e cila shihet si kryetare e ardhshme e LDK-së nuk ka marrë pjesë në votimin e Thaçit për president. Ajo ndodhet në Australi.

    “Dje, derisa VV po bënte terror mbi institucionet e Republikës së Kosovës, derisa ma sulmonin shtëpinë me shishe molotovi, pyeta ku janë edhe disa deputet që kanë marrë vota në emër të LDK-së, sepse nuk shiheshin se janë me shumicën e kolegëve të tyre”, ka thënë Mustafa pak më herët në një status në Facebook.

    “Frikohesha se janë zënë peng në çadrat e VV. Por, jo! Dikush më tha se i kanë frikësuar, e tjetri se kanë fluturuar, me marrë udhëzime në çadrat e verës australiane. Kryesorja që janë gjallë! Ata që e respektuan votën e qytetarëve ishin në Parlament. Nuk u frikësuan”, ka shkruar ai.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark