Kandidati për kryetar të Prishtinës, Uran Ismaili, i ftuar në emisionin Context në ATV, ka kritikuar qasjen e kundërkandidatëve të tij, duke thënë se prioritetet e tyra nuk janë të duhura.

Ai tha se fushtata e tyre është kthyer në një konflikt politik për çështje të parëndësishme, ndërkohë që qytetarët përballen çdo ditë me probleme themelore.

“Sot, ata janë në konflikt për Sheshin ‘Xhorxh Bush’. Po bëjnë betejë politike për një rrugë 650 metra, duke thënë ‘unë e kam mirë, jo unë e kam mirë’. Ndërkohë që, kur i shohim lagjet e Prishtinës, kudo ka probleme bazike – me trotuare, me ndriçim, me mbeturina e me ujë,” tha Ismaili.

Ai shtoi se të gjitha projektet që ai ka planifikuar për lagjet e kryeqytetit janë të realizueshme me buxhetin e Komunës, pa nevojën e premtimeve utopike dhe të parealizueshme. “A mund të merremi njëherë me problemet bazike që i kemi aktualisht, e jo me vitin 2035? A ka mundësi të merremi me vitin 2025 – me problemet që i kemi tash e 25 vite?”, theksoi Ismaili.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur