Për çdo politikan nderi më i madh është të jesh kryetari i organit më të lartë shtetëror dhe bartësi i pushtetit kushtetues dhe legjislativ në Republikën e Serbisë, deklaroi kryetari Partisë Socialiste Serbe Ivica Daçiq për Tanjug, pasi presidenti i Serbisë Aleksandar Vuçiq njoftoi se ministri aktual i jashtëm në të ardhmen do të jetë në krye të parlamentit.

Daçiq falënderoi Vuçiqin për atë propozim, me mesazhin se vetëm “një Serbi e bashkuar mund t’i përgjigjet sfidave që po na presin në periudhën e ardhshme”.

Mbrëmë, pas mbledhjes së kryesisë së Partisë Përparimtare Serbe, Vuçiq njoftoi se SPS dhe SPAS do të jenë në qeverinë e re, si dhe se udhëheqësi i socialistëve, Ivica Daçiq, do të jetë kryetari i ri i parlamentit.

Kryetar i PPS gjithashtu njoftoi se qeveria e re do të jetë me një kohëzgjatje të kufizuar dhe se zgjedhjet e parakohshme parlamentare do të mbahen së bashku me zgjedhjet presidenciale, më 03 prill 2022./Insajderi.org.