Partia e Veprimit Demokratik (SDA), presidenti i së cilës është Bakir Izetbegoviq dhe Unioni i Social Demokratëve të Pavarur (SNSD) i Millorad Dodikut, kanë humbur pushtetin në qytetet më të mëdha të Bosnje dhe Hercegovinës: Sarajevë dhe Banjallukë.

“SDA ka humbur tre komuna të rëndësishme në kantonin e Sarajevës. Dhe ishte vështirë për t’i mbajtur, duke pasur parasysh që të gjithë janë bashkuar kundër nesh”, ka deklaruar Bakir Izetbegoviq në një konferencë shtypi të dielën në mbrëmje.

Ndërsa kryetari i SNSD-së, Millorad Dodik pranoi humbjen në Banjallukë, e cila është qendra administrative e Republikës Serbe të Bosnjës.

“Banja Lluka zgjodhi në mënyrë demokratike dhe ne e respektojmë atë zgjedhje. Qytetarët e Banjallukës kanë vendosur”, tha Dodik.

Në qytetin e Banjallukës, fitoi kandidati i opozitës, Drashko Stanivukoviq, nga Partia e Përparimit Demokratik (PDP). Ai deklaroi në konferencën për shtyp se Banja Lluka do të jetë qyteti i të gjithë qytetarëve./Insajderi.org.