Presidentja Atifete Jahjaga dhe kryeministri Mustafa organizuar mbrëmë pritjen zyrtare me rastin e tetë vjetorit të shpalljes së pavarësisë.

Ndonëse opozitarët nuk pranuan të marrin pjesë ishte Jahjaga që me deklaratat e saj kritikoi veprimet e qeveritarëve.

Jahjaga tha se Kosova ende ka shumë për ndërtuar sistem të mirë të drejtësisë , mirëqenie për qytetarët e saj e punë për të arsimuar gjeneratat e ardhshme.

“…punë për t’i thënë jo korrupsionit që po monopolizon fuqinë në duart e një pakice që ia mohon qytetarit të Kosovës të drejtën e barabartë për të konkurruar, punuar dhe për të krijuar mirëqenie”, ka thënë presidentja Jahjaga.

Presidentja ka shtuar se Kosova nuk është e asnjë lideri politik dhe i takon qytetarëve,

“U takon qytetarëve të saj, të cilët sot janë më të bashkuar se kurrë për t’i refuzuar përçarjet dhe ndasitë e kësaj klase politike, për të kërkuar llogaridhënie, për të këmbëngulur për rend dhe ligj, për t’i dhënë fund degradimit moral dhe korrupsionit”,ka thënë Jahjaga.