×
  • Lajme
  • Botë
  • Lajme / Botë

    Jep dorëheqje ministri që kërkoi regjistrimin e tradhtarëve

    Insajderi
    30 January 2016 - 18:08
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Pas më shumë se një dite diskutime në qeverinë kroate, ministri i veteranëve të luftës, Mijo Crnoja dha dorëheqjen të enjten në mbrëmje.

    Raportimet e medias e kishin akuzuar Crnojan për raportim fals të një vendbanimi, mashtrim me taksat dhe sigurimin shëndetësor, akte dhune fizike dhe dhunim të pronës private. Që nga fillimi ai i hodhi poshtë pretendimet, raporton Insajderi.

    Ai e mbrojti çështjen të mërkurën dhe të enjten përpara kryeministrit Tihmori Oreskoviç dhe zv. kryeministrit Tomislav Karamarko, gjithashtu kryetar i partisë së Bashkimit Demokratik Kroat. Ekspertë ligjorë u thirrën për të vlerësuar dokumentet që ai paraqiti për pafajësinë e tij.

    Ndërsa lajmëroi dorëheqjen të enjten, Crnoja sërish përsëriti pretendimin se ishte i pafajshëm.

    “Kam dorëzuar dorëheqjen te kryeministri”, tha ai.

    “Pavarësisht se provat e mia tregojnë se jam i pafajshëm, figura e medias mbi mua është e padrejtë, por gjithsesi nuk dua t’i bëhem problem  ose barrë qeverisë”, tha ai.

    Crnoja dha dorëheqjen gjashtë ditë pasi u emërua si ministër më 22 janar. Ai shkaktoi polemika të menjëhershme me idenë e regjistrimit të tradhtarëve dhe agresorëve kundër Kroacisë në luftën për pavarësi në vitet 1990.

    Kjo tërhoqi protesta dhe reagim satirik ku 7000 njerëz nënshkruan si tradhtarë për t’u tallur.

    Problemet e vërteta të tij filluan të hënën kur portali i lajmeve ‘Index’ tha se ai nuk e kishte regjistruar siç duhet banimin e tij.

    ‘Index’ zbuloi se adresa që ai kishte dhënë i përkiste një kasolleje në një qytet afër Zagrebit.

    Ai e pranoi fajin dhe premtoi se do t’i kthente të gjitha taksat që kishte shmangur që nga viti 2013 te bashkia e Zagrebit.

    Media gjithashtu raportoi për një dënim të shkallës së parë ndaj tij, për dhunim prone private.

    OP-ED
    Nga Rubrika
    Botë
    21 April 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark