Njëra ndër fotot më virale e Justin Bieber është kjo të cilën ai nuk është aspak krenar dhe madje e urren.

Dhe duket që këtë foto mediat e përdorin gjerësisht për lajmet rreth tij.

Së fundmi media amerikane “Variety” shkroi për suksesin e këngës së tij dhe Ariana Grande-s, “Stuck With you”, por të gjithë vëmendjen e artistit e mori fotoja e përdorur.

Nëpërmjet një statusi në Instastory, Bieber u shpreh se mediat ende përdorin fotografi jo të këndshme në kohën kur ai kishte mustaqe dhe sipas tij këtë e bëjnë që të duket sikur nuk është mirë.

“Unë jam akoma në shok, që ende i përdorin këto fotografi të miat. Po ju them se media dëshiron të zgjedhë fotot e mia të këqija për të bërë të dukem sikur nuk jam mirë… Ka pasur fotografi të panumërta që mediat mund t’i marrin, por ata ende vazhdojnë me këtë për të më bërë të dukem i sëmurë dhe jo mirë, nuk është e drejtë.”- shkruan ai.

Menjëherë pas këtyre deklaratave, Variety e ndryshoi foton dhe e zëvendësoi me një tjetër imazh të Justin.