Kryetari i Sindikatës së Pavarur të Sektorit Privat, Jusuf Azemi ka denoncuar një rast i cili ka të bëjë me keqpërdorimin e punëtorëve praktikantë në ndërmarrjen publike “Trepça”.
Azemi njoftimin e ka bërë të ditur përmes një postimi në Facebook.
Kësisoj, Azemi shprehet se bazuar në vendimin e nxjerr nga vetë ndërmarrja, “Trepça” është e detyruar që për të gjithë praktikantët të ofrojë ushqim, transport si dhe uniformën falas.
Por, ai tregon se sipas punëtorëve, grupi i parë “deri diku” i ka pasur këto kushte.
“Sipas punëtorēve grupi I parë deri dikun i ka pasur këto kushte, kurse grupi prej 120 jo, nuk kanë transport, nuk kanë ushqim, kanë hyr në muajin e tretē pa ua bërë pagesën prej 100 euro në muaj”.
Konkursi është hapur më 20.05.2022 për 180 pozita të lira për praktikant.