Deputeti shqiptar në Kuvendin e Serbisë, Shaip Kamberi është shprehur se në 20 vitet e fundit numri i nxënësve të cilët i përkasin shkollave fillore ka rënë në 25% në Serbi. Sipas tij tek shqiptarët në Luginën e Preshevës ka një rënie edhe më drastike prej 58%.

Kamberi me anë të një postimi në platformën “X”, këtë situatë e ka quajtur alarmuese.

Ai ka theksuar se qeveria serbe po e neglizhon pakicën dhe po bën diskriminim aktiv.

“Në 20 vitet e fundit, numri i nxënësve të shkollave fillore ka rënë 25% në Serbi, por te shqiptarët në Luginën e Preshevës është një rënie marramendëse prej 58% – më shumë se dyfishi i mesatares kombëtare. Alarmuese! Ky është rezultat i pakicës së neglizhuar qëllimisht nga qeveria, me diskriminim aktiv”, ka shkruar ai në “X”.

Postimi i plotë:

In the last 20 years,primary school student numbers dropped 25% in 🇷🇸,but among Albanians in Presheva Valley, it's a staggering 58% decline-more than twice the national average.Alarming! This is the result of deliberately neglected minority from the gov,with active discrimination

— Shaip Kamberi (@shkamberi) February 13, 2024