Pronari i restaurantit ‘UDA’, Arsim Kolshi, si dhe menaxheri Kemajl Murseli, i cili është edhe kryesues i Kuvendit Komunal të Komunës së Kaçanikut, kanë përfunduar në polici. Krejt kjo ka ndodhur si shkak i kanosjes së zyrtarëve policorë dhe mos-përfillje të urdhrave.

Insajderi merr vesh se, sipas informacioneve të para të marra nga Policia e Kosovës, kryesuesi i Kuvendit Komunal kishte shpërfillur urdhrat për ndaljen e muzikës, ku më pas ka ndërhyrë edhe pronari për t’u konfrontuar me policët.

Sipas burimeve, pronari Arsim Kolshi më pas i ka kanosur policët, duke i shoqëruar që të dy në stacion.

Të dy u dërguan në stacion policor për t’u intervistuar.

Rasti është inicuar si “kanosje ndaj personit zyrtar”.

Se Murseli është “hisedar” i këtij restauranti dëshmojnë edhe postimet në rrjetin social në ‘Facebook’. Ai në vazhdimësi ka shpërndarë aktivitete të ndryshme të restaurantit Uda. /Insajderi.org/