Policia e Kosovës ka bërë të ditur se që nga data 1 prill kanë qenë të fokusuar për zbulimin dhe kapjen e disa personave të dyshuar për vjedhje të rënda.

Si rezultat i kësaj, janë kapur 28 të dyshuar ndaj të cilëve janë ngritur kallëzime penale.

“Që nga data 1 prill deri sot, hetuesit policor  kanë arritur që të zbulojnë disa raste të vjedhjeve dhe vjedhjeve të rënda në zona të ndryshme të Kryeqytetit. Si rezultat i këtyre veprimeve, janë identifikuar dhe proceduar në Prokurori gjithsej 28 persona të dyshuar, ndaj të cilëve janë ngritur kallëzime penale”, thekson njoftimi./Insajderi.org/