Me siguri që edhe ju i keni parë videot e ditëlindjeve që qarkullojnë në platformat Reddit apo TikTok, ku shumica shfaqen duke qarë gjatë fryrjes së qirinjve në tortën bashkë me hitin e njohur “It’s my birthday”

E qarë gjatë momenteve të ditëlindjeve është bërë pjesë e jetës, por ende nuk dimë nëse janë lot nga lumturia, trishtimi, krizë ekzistenciale e të qenit një vit më e madhe, pra e qara e ditëlindjes është një fenomen real.

Edhe pse të qash në ditëlindjen tënde është shumë normale, kjo nuk do të thotë se ndjesia është normale, sipas Anna Harris, këshilluese klinike për shëndetin mendor. “Shumë njerëz që qajnë në ditëlindjen e tyre përfundojnë duke qarë edhe në ditëlindjen e të tjerëve, sepse thjesht ndihen keq”, thotë ajo, shkruan Pop Sugar.

Por, pse femrat qajnë në ditëlindjen e tyre?

Të pyesësh dikë pse qan në ditëlindjen e vet është shumë si të pyesësh dikë pse qielli është blu. Por, ekspertët kanë disa motive se pse ndodh ky fenomen:

1. Ndiheni të zhgënjyera me mënyrën se si shkoi ditëlindja: Pavarësisht se kjo është një ditë e veçantë, shpesh njerëzit kanë pritshmëri të mëdha për organizimin, por edhe vëmendjen dhe urimet që marrin nga të afërmit, kolegët, personat e zemrës etj.

2. Ndiheni të harruara ose të parëndësishme: Ditëlindjet supozohet të jenë një ditë e veçantë kur ndihemi gati për të festuar në çdo dimension. “Por, jo të gjithë kanë njerëz rreth tyre për ta bërë këtë,” thotë psikologia Mary Lawrence. Kjo sjellë natyrisht zhgënjim dhe lot.

3. Jeni në ankth se ndjeni se po plakeni: Ditëlindjet janë një kujtesë se plakja dhe koha që kalon janë të pashmangshme. Për shumë njerëz, mund të jetë e frikshme të mendosh për të ardhmen dhe të gjitha të panjohurat që vijnë me pas.

4. Jeni të pushtuara nga dashuria dhe mirënjohja: Kur ndjeni se jeni të rrethuara nga njerëzit më të rëndësishëm në jetën tuaj, është normale që të ndiheni nën pushtetin e emocioneve, citon Anabel.

Si të shmangni të qarat në ditëlindjen tuaj

Thjesht, menaxhoni emocionet! Në fund të fundit, emocionet janë ato që na bëjnë njerëz. Lejojini vetes të ndjeni atë që për ju është një çlirim, qoftë duke qarë, duke pirë një gotë, duke ngrënë apo fryrë qirinjtë, zgjedhja mbetet e juaja.