Iniciativës së Nisma Për Kosovën për nënshkrimin e mocionit për rrëzimin e qeverisë, përveç deputetëve të tre partive opozitare i janë përgjigjur edhe pesë deputete të grupit parlamentar të Partisë Demokratike të Kosovës, që është edhe partner i koalicionit me Lidhjen Demokratike të Kosovës.

Nait Hasani, Shukri Buja dhe Emilija Redzepi, Raif Qela dhe Rafet Rama kanë hedhur nënshkrimet e tyre në listën prej 40 nënshkrimeve, që ka plotësuar kushtin teknik për thirrjen e seancës për rrëzimin e qeverisë.

Depuetetët e opozitës e kanë dorëzuar sot në Kuvend mocionin për rrëzimin e Qeverisë së Kosovës, tani i mbetet kryesisë që të thërras seancë të jashtëzakonshme të Kuvendit, e cila do të mbahet më së largu brenda pesë ditëve.