Rrethojat janë mjaft të larta. Pavarësisht këtij fakti, dy pacientë të Qendrës Rehabilituese Psikiatrike në Shtime arritën t’i kalojnë ato gjatë ditës së premte.

Pasi e përmbushën qëllimin për të ikur nga aty, 62 vjeçarët, njëri nga Peja e tjetri nga Prishtina, nuk kishin ku të shkonin dhe u kthyen në mëngjesin e së shtunës.

Por njëjtë nuk vepruan dy të tjerë, të cilët morën leje për të dalë e s’u kthyen më fare.

Pos stafit mjekësor aty, edhe drejtori i këtij institucioni thotë se dy pacientët që ndodhen ende jashtë nuk përbëjnë rrezik për askënd.

Zenelaj thotë se janë lajmëruar organet policore, por shton faktin se Enti Special nuk është institucion i mbyllur.

Në kërkim të pacientëve është edhe Policia e Kosovës në rajonin e Ferizajit.

Për këtë rast, ata kanë njoftuar se janë lajmëruar të gjitha njësitet policore.