Këshilli i prindërve në ShFMU “Mihal Grameno” në Fushë Kosovë do të mbajë për të dytën herë radhazi protestë sot nga ora 12:30.

Kjo pasi nxënësit e klasave të pesta nuk po vijojnë mësimin që nga fillimi i gjysmëvjetorit të dytë.

Arsyeja se pse nuk po vijohet mësimi është për shkak të ndryshimit të orarit dhe kalimit në ndërrimin e tretë.

Rikujtojmë se edhe të premten është mbajtur protestë nga Këshilli i Prindërve në ShFMU “Mihal Grameno”.