Para 6 viteve ka qenë një nga luginat më të bukura në rajonin e Dukagjinit dhe pa dyshim pika më turistike në rrethin e Deçanit.

Por gjashtë vite pas, Bjeshka e Zallit të Rupës është shkatërruar dhe tashmë është shndërruar në një gropë të madhe me zhavorr.

Në dy fotografi të publikuara nga një bjeshkatar i kësaj ane dhe aktivist për mbrojtjen e natyrës, Adriatik Gacaferri, shihet sesi është shkatërruar kjo pjesë.

“Dikur njeriu i frikohej natyrës, sot natyra i frikohet njeriut”, ka shkruar ai në fotografinë krahasuese të së njëjtës hapësirë.

Sipas tij, këtë shkatërrim e ka bërë kompania e ndërtimit RSM, me leje të Komunës së Deçanit.

Insajderi ka tentuar të kontaktojë me kryetarin e Komunës së Deçanit, Rasim Selmanaj dhe drejtues të kompanisë por kontakti ka qenë i pamundur.

Megjithatë Insajderi do të vazhdojë të sjellë fakte të tjera në lidhje me aktivitetin e kompanive në këtë zonë turistike malore në Deçan.

Sipas Gacaferrit, këto gropa janë edhe të rrezikshme pasi që mbushen me ujë dhe në to lehtë mund të mbytet ndonjë fëmijë./Insajderi.com

IN Promo Marketing

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...