Kombëtarja shqiptare e futbollit nis sot zyrtarisht përgatitjet për sfidën e 7 Qershorit ndaj Serbisë që do të zhvillohet në Tiranë, në stadiumin “Arena Kombëtare”.
Në orën 17:30, lojtarët e ftuar do të dalin për stërvitjen e përbashkët. Pjesa më e madhe e të ftuarve janë në dispozicion të trajnerit Sylvinho.
Vetëm gjashtë futbollistë nuk i janë bashkuar për shkak të angazhimeve që kanë pasur deri tani.
Bëhet fjalë për Kristjan Asllanin që luajti në finalen e Champions League me Interin, apo Mario Mitajn që fitoi Kupën në Arabi.
Myrto Uzuni pritet të vijë nga Shtetet e Bashkuara. Po ashtu edhe Jasir Asani, Ernest Muçi dhe Arlind Ajeti.
“Një pjesë e tyre do të vijnë gjatë pasdites”, njoftoi gazetari i Tv Klan, Erald Kodheli.
Kjo sfidë është shumë e rëndësishme, jo vetëm për eliminatoret për Botërorin, por edhe për vetëm emocionin që përcjell përballja Shqipëri – Serbi.
Për këtë arsye, një pjesë e grupit të futbollistëve, të cilët janë liruar më herët nga klubet respektive, kanë nisur stërvitjen në Durrës.
Kujtojmë se nga lojtarët që kanë qenë në Beograd në ndeshjen e vitit 2014, i ftuar për këtë sfidë është vetëm Elseid Hysaj.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
