Kompania tashmë e njohur “Blendi O.P”, jo vetëm nga pushteti i VV-së, tani ka filluar të shpërblehet me tender edhe nga Zyra e Presidentes. Kontrata i është dhënë për shërbime dhe furnizime protokollare. Operatori Blendi O.P është e njohur për lidhjet e saj me Vetëvendosjen dhe për faktin se është promovuar edhe nga kryeministri Kurti. Jo vetëm, kompania ka qenë edhe furnizuese e rregullt e partisë, me shuma të konsiderueshme të shpenzuara gjatë viteve në mallra dhe shërbime. Insajderi sjell detaje.

Gazeta Insajderi

Zyra e Presidentes së Republikës së Kosovës me 12 shtator ka njoftuar për nënshkrimin e kontratës “Lot I -Shërbime për aktivitete protokollare Lot II -Furnizim me tepisona për nevojat protokollare”.

Ndërkohë me 3 shtator ishte nënshkruar kontrata për Lotin 1- Shërbime për aktivitete protokollare.

Me këtë tender është shpërblyer operatori ekonomik “Ndërmarrja Tregtare Grafike Blendi O.P”.

Vlera e përgjithshme e kontratës është 4 mijë e 514.90 euro.

Kush është kompania Blendi O.P dhe cila është lidhja e Ndërmarrjes me pushtetin?

Ndërmarrja Tregtare Grafike “Blendi” O.P. është një nga kompanitë që ka fituar vazhdimisht tenderë nga institucionet nën drejtimin e Vetëvendosjes.

Kompania “Blendi” është ndër bizneset e rralla që u vizitua nga kryeministri Kurti.

Ai madje i kishte dedikuar edhe një postim promovues duke thënë “kompani të tilla do ta kenë gjithmonë mbështetjen tonë“.

“Japin shembull se si në Kosovë mund të përfitosh me punë”, thotë Kurti në videon e publikuar në vitin 2023.

Kjo kompani është furnizues i lidhur ngushtë me Lëvizjen Vetëvendosje.

Sipas, raportit Vjetor Financiar të publikuar në KQZ, për periudhën 1 janar – 31 dhjetor 2023, Vetëvendosje nga kompania “Blendi” ka blerë mallra në vlerë prej 6120 euro.

Në raportin e vitit 2022, te kompania e njëjtë, Vetëvendosje ka blerë mall në vlerë prej 6,300.32 euro.

Sipas formularit “Lista e donacioneve të Subjekteve Politike për zgjedhjet lokale të vitit 2021”, po ashtu del se nga kjo kompani ishin blerë shërbime.

“Shtypja e materialeve reklamuese”. Kështu quhet shërbimi që Vetëvendosje e kishte blerë nga NTG “Blendi” në vlerë prej 10, 015.26 euro.

“Shpërblimet’ e furnizuesit të VV-së nga pushteti?

Në nëntor të vitit 2024, Zyra e Kryeministrit i dha kësaj kompanie një kontratë në vlerë prej 11,390 eurosh për furnizime me materiale zyrtare. Pak muaj më parë, e njëjta zyrë i kishte dhënë një tjetër kontratë në vlerë prej 47,000 eurosh.

Një muaj më vonë, përmes procedurave të negociuara, Shërbimi Korrektues i Kosovës, i kishte dhënë tender për kantinën e të burgosurve. Kontrata kishte një vlerë prej 298,783 euro.

Ndërsa, edhe MPJD i dha një tender tjetër, që vlerën e parashikuar e kishte 90 mijë eurove.

Kontrata ishte titulluar “Furnizime të ndryshme”.

“Ndërmarrja Tregtare Grafike Blendi O.P”, si aktivitet primar e ka “Aktivitetet e tjera botuese”, ndërsa sekondar “Shtypje të tjera”. Insajderi.org

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!