Pagesa për tu asfaltuar disa rrugë në fshatin Mushtisht të Suharekës është bërë në vitin 2021, po edhe pas afro dy vitesh në ato rrugë nuk kanë nisur punimet.

Komuna e Suharekës me datë 27 tetor 2021 ka nënshkruar kontratë me operatorin ekonomik “H SEFERI SH.P.K.” për ndërtimin e rrugëve lokale në Mushtisht: Sadri Shasha, Sadik Sejda, Haki Sokoli, Ali R Bytyqi, Minatori, Jemin Jemini dhe Bajram Kurti.

Vlera e kësaj kontrate ishte 22 mijë e 245 euro.

Por, edhe pas kaq muajsh rrugët Haki Sokoli, Ali R Bytyqi, Minatori nuk janë shtuar fare, anipse pagesat u janë bërë operatorit ekonomik.

Siç shihet nga fotografitë e bëra dje në terren, rrugët janë të paasfaltuara.