×
  • Lajme
  • Lajme

    Kosova dhe Kroacia, të përkushtuara për thellim të bashkëpunimit

    Insajderi
    07 March 2016 - 14:12
    Klikoni Këtu për t'u bërë pjesë e kanalit të Insajderit në Youtube.

    Presidentja e Republikës së Kosovës, Atifete Jahjaga, ka pritur në takim ministrin e Mbrojtjes së Kroacisë, Josip Buljeviç, me ç’rast kanë biseduar për bashkëpunimin midis institucioneve të sigurisë dhe të mbrojtës së Kosovës dhe atyre të Kroacisë.

    Presidentja Jahjaga ka çmuar lart bashkëpunimin e deritanishëm midis dy vendeve në këtë fushë dhe shprehu gatishmërinë për thellimin e mëtejmë të tij në interes të paqes, sigurisë dhe stabilitetit rajonal dhe global.

    Në anën tjetër Ministri i Mbrojtjes së Kroacisë, Josip Buljeviç, ka theksuar përkushtimin e Qeverisë së Kroacisë për të vazhduar mbështetjen dhe për të thelluar bashkëpunimin me institucionet e mbrojtjes dhe të sigurisë në Republikën e Kosovës.

    Në këtë takim është folur edhe për ndihmën dhe mbështetjen e vazhdueshme që Republika e Kroacisë u ka dhënë proceseve nëpër të cilat ka kaluar Kosova, me theks në bashkëpunimin që ka pasur ministria që ai drejton me Ministrinë e Forcës së Sigurisë, si dhe bashkëpunimin midis Forcave të Armatosura të Republikës së Kroacisë dhe Forcës së Sigurisë së Kosovës./Insajderi.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark