Italia është goditur nga një tërmet 6.6 shkallës në mëngjesin e sotëm, ku kanë mbetur të lënduar dhjetëra njerëz. Epiqendra e tërmetit ishte qyteti i vogël Norcia.

Përmes një komunikate për medie, Qeveria e Kosovës ka bërë të ditur se është e gatshme t’i ofrojë ndihmë Italisë, raporton Insajderi.

“Me këtë rast, Qeveria e Republikës së Kosovës, po ashtu, shpreh gatishmërinë e saj të plotë që në rast nevoje të ofrojë për ndihmë, njësitet e specializuara në kërkim shpëtim urban të Forcës së Sigurisë së Kosovës”, thuhet në njoftimin e qeverisë.

Qeveria e Kosovës gjithashtu ka shprehur solidaritet për të lënduarit. /Insajderi.com