×
  • Lajme
  • Lajme

    Krasniqi: Bajram Gecaj, spiun i ambasadave

    Insajderi
    11 February 2016 - 11:10

    Zv.ministri i Administrimit të Pushtetit Lokal, Bajram Gecaj, është quajtur spiun i ambasadave nga zëdhënësi i Lëvizjes Vetëvendosje, Frashër Krasniqi.

    ‘’Spiuni i ambasadave, Bajram Gecaj, në kohën e VLAN-it, keqinformonte ambasadat që gjoja VLAN-i do ta djegë Gjykatën Kushtetuese. Përmes propagandës së tillë ai synonte mobilizimin e ambasadave në mënyrë që LDK-në t’ia qojë PDK-së. Dhe kështu ndodhi. Shpifjet e tij po vazhdojnë. Por e vërteta e konfirmuar edhe nga Gjykata Kushtetuese është që Isa Mustafa i bëri atentat Republikës. Dhe për këtë atentat do të ndëshkohet nga populli, përmes protestave masive paqësore’’, ka shkruar Krasniqi në Facebook.

    Reagimi vjen pasi që zv.ministri i APL-së, Bajram Gecaj kishte thënë se mënyra që ka zgjedhur opozita të veprojë, nuk ka rezultate dhe nuk po pëlqehet nga askush. Vetëvendosja, sipas tij, kishte provuar atentat ndaj kryeministrit.

    Sipas Gecajt, AAK-ja dhe Nisma për Kosovë janë bërë bisht i VV-së./Insajderi.com

    frashri

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark