Kryetari i Partisë Demokratike të Kosovës, Memli Krasniqi në seancën e sotme nuk e ka mbajtur fjalimin në foltoren e Kuvendit, por në ulsen e tij për ta parë përballë kryeministrin Kurti.
“Po du me pa përball Kurtin nuk po më besohet se çfarë po thotë”, është shprehur Krasniqi.
Tutje Krasniqi ka reaguar edhe ndaj deklaratës së Kurtit e cila thoshte: “mos i besoni askujt”.
“Ty të duket mirë që thu mos i besu mediave, por vetëm deklaratat e komunikatave dhe komunikatat e Xhelal Sveçlës”, ka thënë Krasniqi.
Tutje, Krasniqi i ka përmendur edhe targat në veri.
“Je tërheq prej vendimit të targave janë ende të Serbisë, targat janë siç kanë qenë gjithmonë të Serbisë”.