Sot punëtorët e Kompanisë Regjionale të ujësjellësit K.R.U HidroDrini në Pejë, kanë protestuar.

Kryetarja e Sindikatës së ndërmarrjes K.R.U “HidroDrini” në Pejë, Angjelina Krasniqi, ka thënë për Gazetën Insajderi se kjo protestë është mbajtur për arsye të kërkesave të punëtorëve, për barazim të vlerës monetare të koeficientit, me koleg të tjerë në K.R.U të tjera në regjion të Kosovës.

“Protesta është mbajtur me kërkesë të punëtorëve për barazim të vlerës monetare të koeficientit, me kolegë të tjerë në K.R.U të tjera në regjion të Kosovës”, është shprehur Krasniqi.

Protesta e sotme është mbajtur nga ora 8:30 deri në ora 9:30.

Ndërkohë që ditën e djeshme në një njoftim është informuar se punëtorët e Kompanisë Regjinale të ujësjellësit, kanë shpallur grevë, por që nuk kanë theksuar arsyen e protestës.

“Ju informojmë se punëtorët e Kompanisë Regjionale të ujësjellësit, kanë shpallur grevë për ditën nesërme (e martë) e ku pjesë e grevës janë edhe punëtorët e Njësisë Operative të Pejës, Klinës, Istogut, Deçanit dhe Junikut”, është thënë në njoftimin e bërë.

Dokument dhe pamje nga protesta: