×
  • Lajme
  • Lajme

    Kryeministri Mustafa uron gratë, nuk përdor asnjë fjalë fyese

    Insajderi
    08 March 2016 - 08:17
    Klikoni Këtu për t'u bërë pjesë e kanalit të Insajderit në Youtube.

    Kryeministri Isa Mustafa, ua ka dedikuar një postim grave të Kosovës pa asnjë fjalë fyese.

    Mustafa ka thënë se 8 Marsi është simbol i jetës në tërësi,i qytetërimit, zhvillimit dhe civilizimit.

    “Ju uroj për këtë ditë simbolike! Çdo ditë është ditë e juaja”, ka thënë Mustafa.

    Kryeministri i vendit në disa postime ka fyer gratë. Së fundi gjatë protestave të opozitës kur akuzoi “disa gra pa burra” të shoqërisë civile për “kullotje fondesh”.

    “Thuhet me arsye se zhvillimi i gruas përcakton zhvillimin e një kombi. Në vendin tonë, ju jeni simbol i emancipimit, i një fryme të re, jo vetëm brenda familjes, por kudo në shoqëri, në drejtimin dhe organizimin e shtetit, në arsim, ekonomi, në art dhe kulturë”, ka thënë Mustafa.

    “Shumë gra u flijuan për idealin e lirisë. Për to, në shenj nderimi sot së bashku do të vejmë lule te Memoriali Heroinat në Prishtinë”.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark