Zyrtarët e lartë të Listës Serbe, të cilët më 5 nëntor vendosën që të japin dorëheqje nga institucionet e Kosovë, nuk do të mbesin pa paga, sepse paralelisht me pagat e Kosovës ata marrin paga edhe nga buxheti i Serbisë. Ata kanë përfshirë pagat e marra nga Serbia gjatë deklarimit të pasurisë për vitin 2022 në Agjencinë Kundër Korrupsionit të Kosovës.

Kryetar i Listës Serbe, Goran Rakiq ka marrë pagë nga buxheti i Kosovës 1 mijë e 150 euro si ministër për Komunitete dhe Kthim.

Ndërsa në deklarimin e pasurisë ai deklaron se nga buxheti i Serbisë merr pagë 777 euro.

Nga Shkolla e Lartë Ekonomike e Studimeve Profesionale merr pagë 235 euro dhe si Drejtor i Ndërmarrjes Publike “Standard” në Mitrovicën e Veriut merr pagë 542.

Në Kosovë: Ministër për Komunitete dhe Kthim në Qeverinë e Kosovës

Paga: 1.150 euro

Në sistemin serb: Shkolla e Lartë Ekonomike e Studimeve Profesionale

Paga nga buxheti i Serbisë: 235 euro

Drejtor i Ndërmarrjes Publike “Standard” në Mitrovicën e Veriut

Paga nga buxheti i Serbisë: 542 euro