Ministri i Drejtësisë, Hajredin Kuçi pretendon se sot autoritetet maqedonase do ta lirojnë ish pjesëtarin e UÇK-së, Gafurr Dugollin.

Kuçi, ka thënë se pikërisht ai ka qenë sot në Shkup ku edhe ka biseduar me ministrin e Drejtësisë së Maqedonisë, ku ka marrë konfirmimin autoritetet e Maqedonisë që Dugolli do të lirohet.

Këtë arrestim Kuçi, në në emisionin “Republika”, e ka quajtur të padrejtë dhe hakmarrje politike të Serbisë.

Gafurr Dugolli  është arrestuar në pikën kufitare Bllacë nga policia e Maqedonisë. Ai është drejtor i Zyrës së Protokollit të MFSK-së, i cili po shkonte me detyrë zyrtare për rregullim të vizave në ambasadën e SHBA-ve në Shkup./Insajderi.com