Partia Demokratik e Kosovës ka vendosur që Enver Hoxhaj dhe Hajredin Kuçi të zëvendësojnë Hashim Thaçin në postet e tij të mëhershme në qeveri.

Kështu, Kuci do të bëhet zëvendëskryeministër i Kosovës ndërsa Enver Hoxhaj do ta marrë detyrën e ministrit të Punëve të Jashtme.

Po ashtu, Hajrdin Kuçi do të vazhdojë të mbetet në pozitën që aktualisht mban – atë të ministrit të Drejtësisë.

Njoftimin për këto emërime në qeveri i kanë bërë Kadri Veseli, kryetar i Partisë Demokratike të Kosovës, dhe Isa Mustafa, krytar i Lidhjes Demokratike të Kosovës, në një konferencë për media.