×
  • Lajme
  • Lajme

    Kundër Korrupsioni: Kryeministri emëroi kundërligjshëm anëtarët e bordeve

    Insajderi
    23 February 2016 - 15:46
    Klikoni Këtu për t'u bërë pjesë e kanalit të Insajderit në Youtube.

    Agjencia, më 2 shkurt të këtij viti,  i ka dërguar konkluzionin Zyrës së Kryeministrit të Kosovës,përkatësisht Sekretarit të Përgjithshëm, Fitim Krasniqit. E ka njoftuar këtë institucion se  komisionet vlerësuese kanë vepruar në kundërshtim me ligjin për ndërmarrje publike.

    “Me rekomandim të këtyre komisioneve, të njëjtit persona më pas janë emëruar nga ana e Kryeministrit të Republikës së Kosovës për anëtar (drejtor) në bordet e ndërmarrjeve publike,” thuhet në letrën e AKK-së.

    AKK ka thënë të ketë vërejtur të jenë bërë shkelje të ligjit për Ndërmarrjet Publike gjatë emërimit të anëtareve të bordeve (drejtorëve) në këto ndërmarrje publike: Aeroporti i Gjakovës, Hekurudha e Kosovës (Infrakos), Hekurudha e Kosovës (TrainKos), Kompania e Ujësjellësit Rajonal Hidrodrini, Pejë; Kompania Rajonale e Ujësjellësit Mitrovicë, Kompania e Ujësjellësit Rajonal Radoniqi, Gjakovë; Korporata Energjetike e Kosovës, Operatori i Sistemit, Transmisionit dhe Tregut, dhe Posta e Telekomunikacioni i Kosovës.

    Një ndër parregullsitë gjatë emërimit, siç njofton AKK, ka të bëjë me dështimin për të dorëzuar “ndër të tjerash edhe deklaratën nën betim”.

    “Ky formular i deklaratës nën betim i cili është përgatitur nga Zyra e Kryeministrit nuk është i përgatitur në harmoni me dispozitat”, thuhet në sqarimin e AKK-së.

    Në fund të letrës dërguar Sekretarit të Përgjithshëm të Zyrës së Kryeministrit, AKK rekomandon që Formulari i Deklaratës nën betim të ndryshohet dhe të hartohet në përputhje me dipozitat ligjore.

    Po ashtu, AKK rekomandon që Zyra e Kryeministrit “duhet të ndërmarrë masat e parapara me nin 17.5 të Ligjit Nr 03/L-087 për Ndërmarrjet Publike ndaj personave të cilët kanë dhënë deklarata  të rrejshme nën betim./Insajderi

     

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark