Në ambientet e Federatës së Futbollit të Kosovës sot është bërë tërheqja e shortit për 1/8 e finales në Kupën e Kosovës në futboll.

Fituesi në fuqi i trofeut, Llapi do ta vizitojë Prizrenin për t’u takuar me Lirinë.

Kampioni Ballkani ka pasur fat në short pasi do të ballafaqohet me A&N, skuadrën që bën gara në Ligën e Parë.

Fat ka pasur edhe Gjilani që luan në shtëpi kundër Vjosës e cila gjithashtu garat i zhvillon në Ligën e Parë të Kosovës.

Ndeshjet do të zhvillohen më 5 dhe 6 shkurt të vitit 2023.

Çiftet e plota:

Prishtina – Dukagjini

Flamurtari – Vushtrria

Malisheva – Fushë Kosova

Ballkani – A&N

Gjilani – Vjosa

Liria – Llapi

Behari – Prizreni

Feronikeli 74 – Trepça 89.