Kryeministri i vendit, Albin Kurti ka folur sërish për trekëndëshin Kosovë-BE-Serbi, shkruan Insajderi.

Kurti ka ritheksuar se është më se e nevojshme që procesi i integrimit drejt BE-së, të jetë i ndarë.

Sipas tij Kosova nuk mund të krahasohet me Serbinë nga ana e Bashkimit Evropian.

“Unë e ritheksoj që Kosova ka interes jetik që procesi i normalizimit me Serbinë, që më shumë varet nga Serbia se sa nga Kosova, të jetë i ndarë prej procesit të integrimit në BE. Edhe sa i përket sundimit të ligjit, lirisë së mediave, të drejtave të njeriut, të drejtave politike, lirive civile, cilësisë së zgjedhjeve Serbia është e pa krahasueshme më Kosovën. Kosova është kampione e Ballkanit sa i përket rritjes ekonomike dhe rishpërndarjes sociale”, tha ai.

I pari i ekzekutivit tha se kemi pasur edhe rritje ekonomike, ku janë dyfishuar investimet e huaja.

”Janë dyfishuar investimet e huaja. E tash gjithë ky proces ekonomik dhe demokratik i Kosovës të ngelet peng i destruktivitetit të Serbisë që orkestron e financon paramilitar, nuk është e drejtë. Unë e kuptoj që  BE-ja e dëshiron fqinjësinë e mirë, në jemi për fqinjësi të mirë por fqinjësi e mirë nënkupton njohët të ndërsjellët. Destruktiviteti i Beogradit nuk do duhej të përkthehet në ngadalësim të procesit për Kosovën”, tha ai. 

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur