I pari i Ministrisë së Infrastrukturës, Liburn Aliu, ka njoftuar se bashkë me kryeministrin Kurti dhe disa kolegë të tij ministra kanë bërë inaugurimin e rihapjes së tuneleve T6 dhe T7, si pjesë e linjës hekurudhore Hani i Elezit-Fushë Kosovë.
Aliu tha se po punohet edhe për plotësimin e të gjitha elementeve të tjera për të funksionalizuar dhe rehabilituar Linjën e 10 hekurudhore, që përfshin edhe linjat Fushë Kosovë-Mitrovicë dhe Mitrovicë-Leshak.
“Sapo e bëmë inaugurimin e rihapjes së tuneleve T6 me gjatësi prej 262 metra dhe T7 me gjatësi prej 122 metra, si pjesë e aksit të linjës hekurudhore 🛣 Hani i Elezit-Fushë Kosovë“, ka shkruar ai.
Tutje, ministri Aliu ka falendëruar edhe institucionet bankare evropiane për mbështetjen financiare për realizimin e projektit.
“Falënderojmë Zyrën e Bashkimit Evropian dhe Bankës Evropiane për Rindërtim dhe Zhvillim (EBRD), Bankën Evropiane për Investime (EIB), si dhe Fondin për Investime për Ballkanin Perëndimor (ËBIF), për bashkëpunimin e vazhdueshëm për realizimin e projektit”, shkroi Aliu.