Kryeministri Albin Kurti tha se po e zbatojnë marrëveshjen e arritur në Bratisllavë për shtensionimin e situatës në veri.

Kurti, në “Twitter” ka shkruar se është reduktuar numri i pjesëtarëve të Policisë së Kosovës në tri ndërtesat e komunave veriore.

Ai tha se tash, qeveria po fillon të hapë rrugë për zgjedhje të parakohshme.

“Kosova tashmë po zbaton me mirëbesim marrëveshjen me Bashkimin Evropian dhe të dërguarin special për shtensionimin e arritur në Bratislavë”, tha Kurti.

As of last week, we've reduced the presence of @Kosovo_Police by 25% in the 3 northern municipal buildings. Now we are starting to pave the way for early elections. 🇽🇰 is already implementing in good faith the arrangement with the EU/EUSR on de-escalation reached in Bratislava.

— Albin Kurti (@albinkurti) July 18, 2023

Kurti po qëndron në Kretë të Greqisë, ku po merr pjesë në edicionin e 25-të të Simpoziumit Ndërkombëtar SYMI.