×
  • Lajme
  • Lajme

    Kurti shpreh keqardhje për plagosjen e kryeministrit sllovak

    Insajderi
    15 May 2024 - 18:57
    Klikoni Këtu për t'u bërë pjesë e kanalit të Insajderit në Youtube.

    Kryeministri i Kosovës, Albin Kurti, i ka uruar shërim të shpejtë kryeministrit sllovak Robert Fico, i cili u plagos sot në Hamdlova.

    Kurti e ka quajtur tejet shqetësues lajmin për plagosjen e kryeministrit Fico, ndërsa shprehet se dhuna nuk ka vend në demokraci.

    ”Një lajm shumë shqetësues nga Sllovakia, raporton se kryeministri Robert Fico është qëlluar. I urojmë shërim të shpejtë dhe të plotë dhe i shprehim mendimet tona familjes së tij dhe popullit të Sllovakisë. Dhuna nuk ka vend në demokraci”, ka shkruar Kurti në platformën X.

    Edhe presidentja e Kosovës, Vjosa Osmani i ka uruar shërim të shpejtë kryeministrit të Sllovakisë, Roberto Fico.

    Presidentja është shprehur se dënon fuqishëm këto akte dhune që, siç shkroi ajo, kërcënojnë vlerat evropiane.

    “Duke i uruar kryeministrit sllovak Robert Fico një shërim të shpejtë pas sulmit të sotëm. Ne i dënojmë fuqishëm këto akte dhune që kërcënojnë vlerat evropiane”, është shprehur Osmani.

    Një zëdhënës i Ministrisë së Brendshme sllovake konfirmoi të mërkurën se ka ndodhur një “atentat për vrasjen” e kryeministrit të Sllovakisë, Robert Fico.

    Zyra e Qeverisë sllovake tha se Fico u dërgua me helikopter në spitalin e qytetit Banjska Bistrica.

    Kryeministri sllovak u godit në stomak pasi u shkrepën katër plumba pranë Shtëpisë së Kulturës së Qytetit, Handlova, rreth 150 kilometra në verilindje të kryeqytetit, sipas TA3.

    Fico sapo kishte dalë nga një takim qeveritar kur një i dyshuar shtiu ndaj tij.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark