Ish-kryetari i Lëvizjes Vetëvendosje Albin Kurti, ka mbajtur sot një ligjëratë para studentëve të pesë shteteve anëtare të BE-së (Itali, Maltë, Bullgari, Francë dhe Gjermani), në Forumin për Iniciativa Progresive në Prishtinë.

Sipas njoftimit të Vetëvendosjes, deputeti i Kuvendit të Kosovës u ligjëroi studentëve të huaj mbi shtetin social dhe shtetin e së drejtës. Dy qëndrime politike që VV ka kohë që i përmend.

“Albin Kurti iu ligjëroi studentëve nga Gjermania, Bullgaria, Franca, Malta dhe Italia, në lidhje me Alternativën e VETËVENDOSJE!-s, shtetin social dhe shtetin e së drejtës”, ka njoftuar VV përmes rrjetit social Facebook.

Kurti para dy javësh ligjëroi edhe për studentët shqiptarë në Zvicër. /Insajderi.com