Mbrëmë ka qenë nata e dytë e gjysmë finales së festivalit evropian “Eurovision 2021”, ku shqiptarja Anxhela Peristeri me këngën e saj “Karma” kaloi në finale të këtij festivali.
Por, një gjë ra në sy gjatë mbrëmjes së djeshme, teksa këngëtaret nga Serbia, Ivana Nikolić, Ksenija Knežević dhe Sanja Vučić dërguan Serbinë në finale, i lumtur me këtë gjë u pa edhe një shqiptar i cili ishte pjesë nga ekipi shqiptar, e që ai është Kleart Duraj.
Duraj është kryetar i delegacionit shqiptar dhe u pa me flamurin kuq e zi teksa i afrohet ekipit të serbëve, dhe duke u dërguar puthje e përqafuar ata për këtë sukses.
Finalja e madhe do të mbahet në Rotterdam më 22 Maj, pra të shtunën.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
