Kryesia e Kuvendit dje ka vendosur që sot të mbajë seancë të jashtëzakonshme për të diskutuar për rastin e vdekjes së aktivistit të Vetëvendosjes, Astrit Dehari.

Kjo seancë është iniciuar me nënshkrimet e deputetëve të PDK-së dhe LDK-së.

Anëtarja e kryesisë nga Lëvizja Vetëvendosje, Aida Dërguti, këtë nismë të koalicionit e ka quajtur hipokrizi.

Kreu i Kuvendit, Kadri Veseli, ka thënë se nuk do të lejohet askush që të përfitojë nga tragjedia e Deharit.

Kurse shefi i GP të AAK-së, Pal Lekaj, ka insistuar që kjo seancë të mos iniciohet as me nënshkrimet e koalicionit, por as përmes kërkesës së LVV-së. Ai ka propozuar që kjo seancë të mbahet si kërkesë e peticionit të qytetarëve./Insajderi.com