Emisari i BE-së për dialogun Kosovë-Serbi ka takuar sot në Bruksel kreun e Partisë Demokratike të Kosovës, Memli Krasniqin, me të cilin kanë biseduar për situatën në veri të Kosovës, shkruan Express.

Lajcak ka njoftuar lidhur me këtë takim duke thënë se me Krasniqin ka pasur një bisedë të vlefshme lidhur me situtatën në veri.

Lajcak ka thënë se me Krasniqin janë pajtuar në nevojnë për de-eskalim dhe rikthim në dialogun e lehtësuar nga BE-ja pa vonesa.

“Pati një shkëmbim të dobishëm pikëpamjesh me kreun e PDK-së, Memli Krasniqin   për gjendjen aktuale në veri të Kosovës. Ne jemi dakord për nevojën për të de-përshkallëzuar dhe për t’u kthyer në Dialog pa vonesë”, ka shkruar Lajcak.