×
  • Lajme
  • Insajderi

    Lajm i hidhur për pushtetarët, lideri i opozitës konfirmon vizitën në ShBA

    Insajderi
    10 November 2022 - 15:38

    Përkundër se vizita për në Shtetet e Bashkuara të Amerikës iu është shtyrë dy ministrave të partisë në pushtet dhe tre kryetarëve të komunave, një gjë e tillë nuk ka ndodhur me kreun e opozitës. Lideri i Partisë Demokratike, Memli Krasniqi pritet që javën tjetër të udhëtojë për në SHBA.

    Krasniqi i ka thënë shkurt Insajderit, se javën tjetër do të vizitojë ShBA-në pa dhënë ndonjë detaj shtesë.

    “Po. Javën e ardhshme udhëtojë për në SHBA”, deklaroi Krasniqi.

    Ministrja e Drejtësisë, Albulena Haxhiu, ministri i Administrimit dhe Pushtetit Lokal, Elbert Krasniqi, kryetari i Podujevës, Shpejtim Bulliqi, kryetari i Gjilanit, Alban Hyseni dhe ai i Shtimës, Qemajl Aliu, iu ka pamundësuar vizita për në ShBA.

    Ndonëse është aluduar se vizita e tyre është shtyrë për shkak të mos plotësimit të kërkesave të ShBA-ve nga ana e kryeministrit, Albin Kurti, ndryshe ka deklaruar ambasadori amerikan.

    Jeffrey Hovenier, tha mbrëmë se vizita e tyre është shtyrë për shkak të situatës aktuale në Kosovë që sipas tij, është e tensionuar. /Insajderi

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark