Kryetari i Kuvendit të Kosovës, Glauk Konjufca ka komentuar zhvillimet aktuale në vend që lidhet kryesisht me ngjarjes në veri të vendit. Në veçanti largimin e zyrtarëve serbë nga institucionet e vendit, shkruan Insajderi.

Konjufca është shprehur se kjo gjë ka qenë e pritshme. Sipas tij Serbia po priste një shkas.

“Unë mendoj ka pasur me ndodhë herëdo kur por Serbisë iu është nevojitur një shkas dhe shkasin e ka projektuar ajo do ta gjente edhe ndonjë tjetër po të mos ishin targat, por kësaj radhe e ka gjetur tek targat”, ka thënë Konjufca në Klan përcjell Insajderi.

I pari i Kuvendit u shpreh se më shumë se kurrë është i nevojshëm unitetit politik.

“Kemi nevojë më shumë se kurrë për unitet prej krejt spektrit politik…”.

Sipas tij targat janë shkasi i një beteje që Serbia e ka filluar për të kaluar tutje tek siç thotë ai plani B.

Konjufca u shpreh se Serbia e ka humbur këtë betejë me Kosovën.