×
  • Lajme
  • Lajme

    LDK: Shpend Ahmeti po e zhvatë buxhetin e komunës

    Insajderi
    08 February 2016 - 11:25
    Klikoni Këtu për t'u bërë pjesë e kanalit të Insajderit në Youtube.

    Lidhja Demokratike e Kosovës ka kërkuar që Kryetari i Prishtinës, Shpend Ahmeti, të ndërpresë veprimtarinë zhvatëse përmes firmave, që sipas tyre, udhëhiqen nga aktivistë dhe të lidhur me partinë e Ahmetit.

    ‘’Grupi i LDK-së në Kuvendin e Prishtinës konsideron se kryetari i Prishtinës është përkrah aktivistëve të VV-së, anëtarë të komiteteve të Kuvendit të kryeqytetit, siç është aktivisti anëtar i Komitetit për Urbanizëm, z. Nol Binakaj, i cili po quhet tanimë ndërmjetësues në mes të Komunës dhe Kompanive për ndërtim, ku babai i tij projekton dhe rrjedhimisht përfiton nga Komuna e Prishtinës’’, thuhet në një komunikatë për media të dërguar nga kjo parti.

    Sipas LDK-së, Kryetari Ahmeti përmes anëtarëve të Komitetit për Planifikim Urban nga Vetëvendosja, po e zhvatë buxhetin e Komunës.

    ‘’Kjo zhvatje po ndodh para syve të qytetarëve të kryeqytetit, duke instaluar ndërmjetësues për leje dhe aktivitete të firmave që po vjelin përfitimet nga Komuna e Prishtinë’’

    “Grupi e posedon skemën zhvatëse pjesë e së cilës, në një mënyrë a një tjetër, është kryetari i Komunës z.Shpend Ahmeti,” thotë Grupi i LDK-së në Prishtinë.

    Lidhja Demokratike e Kosovës ka grupin më të madh të asamblistëve në Komunën e Prishtinës./Insadjeri

     

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark